നാട്ടിലെത്തിയ നടി ഗോപികയുടെ ചിത്രങ്ങൾ പങ്കുവെച്ച് സഹോദരി

മലയാള പ്രേക്ഷകരുടെ മനസ്സിൽ ഇടംനേടി നടിയാണ് ഗോപിക. നിരവധി നല്ല ചിത്രങ്ങളുടെ ഭാഗമാകാൻ ഗോപികയ്ക്ക് സാധിച്ചു. വിവാഹശേഷം ഭർത്താവിനൊപ്പം ഓസ്‌ട്രേലിയയിൽ ആണ് താരം ഇപ്പോൾ. അവധിക്ക് ഗോപികയും കുടുംബവും നാട്ടിലെത്തിയപ്പോൾ എടുത്ത ചിത്രങ്ങളാണ് ആരാധകരുടെ ശ്രദ്ധ നേടിയത്. ഇത്രയും നാളായിട്ടും ഗോപികയ്ക്ക് ഒരു മാറ്റവും ഇല്ല എന്നാണ് ആരാധകർ പറയുന്നത്.

2008 ൽ വിവാഹിതയായ ഗോപിക 2013 വരെ സിനിമയിൽ അഭിനയിച്ചിരുന്നു. അതിനുശേഷം ഡോക്ടറായ അജിലേഷ് ചാക്കോയ്ക്കും മക്കളായ ആമി, ഏദൻ എന്നിവരോടൊപ്പം ഓസ്ട്രേലിയയിൽ സ്ഥിരതാമസമാക്കിയിരിക്കുകയാണ് താരം ഇപ്പോൾ .

സോഷ്യൽ മീഡിയയിൽ ഗോപിക അത്ര സജീവമല്ലാത്തതിനാൽ താരത്തിന്റെ വിശേഷങ്ങളറിയാൻ കാത്തിരിക്കുകയായിരുന്നു ആരാധകർ. നാട്ടിലെത്തിയ ഗോപികയുടെ ചിത്രങ്ങൾ പങ്കുവെച്ചത് സഹോദരിയാണ്.

മഞ്ഞ നിറത്തിലുള്ള വസ്ത്രത്തിൽ പഴയതിലും സുന്ദരിയായിരിക്കുന്നു താരം ഇപ്പോൾ എന്നാണ് പ്രേക്ഷകർ പറയുന്നത്

English Summary: actress gopika back to Kerala for vacation