എന്റെ പോളിംഗ് സ്റ്റേഷനിൽ ഇന്ന് ആദ്യം വോട്ട് ചെയ്തത് ഞാൻ ആണ് എന്ന് ഫോട്ടോ ഉൾപ്പടെ നടൻ ടോവിനോ തോമസ് തന്റെ ഫേസ്ബുക്ക് പേജിലിട്ട പോസ്റ്റ് സെബാസ്റ്റ്യൻ പോളിന് മനസിലായത് ടോവിനോയുടെ കന്നിവോട്ട് ആണ് ഇന്ന് ചെയ്തത് എന്നാണ്. ടോവിനോയുടെ പോസ്റ്റിനെ കുറ്റപ്പെടുത്തി സെബാസ്റ്റ്യൻ പോൾ ചില താരങ്ങൾ കന്നിവോട്ട് ചെയ്തതായി അറിഞ്ഞു ഇവർക്ക് ഇപ്പോഴായിരിക്കും ജനാധിപത്യത്തിലെ പ്രായപൂർത്തിയായത് ,മോഹൻലാലും ടോവിനോ തോമസും ആക്കൂട്ടത്തിൽ പെടുന്നു. പോളിങ് ബൂത്തിലേക്ക് വരാൻ വൈമുഖ്യം ഉള്ളവർ രാജ്യസ്നേഹികളും ദേശാഭിമാനികളായും വാഴ്ത്തപ്പെടുന്നു എന്നും തന്റെ സോഷ്യൽ മീഡിയ പേജിൽ കുറിച്ചു.
എന്നാൽ സെബാസ്റ്റ്യൻ പോളിന്റെ കുറ്റപ്പെടുത്തലിന് മറുപടിയുമായി ടോവിനോ തന്റെ സോഷ്യൽ മീഡിയ പേജിൽ കുറിച്ചതിങ്ങനെ ;
അങ്ങയോടുള്ള ബഹുമാനം നിലനിർത്തിക്കൊണ്ടു പറയട്ടെ , ഇങ്ങനെ മണ്ടത്തരം പറഞ്ഞു തെറ്റിദ്ധാരണ പരത്തരുത് . ഇത്തവണ ഞാൻ ചെയ്തത് എന്റെ കന്നി വോട്ട് അല്ല . Was the first one to vote from my polling station എന്ന് ഞാൻ എഴുതിയത്‌ എന്റെ പോളിംഗ് സ്റ്റേഷനിൽ ഇന്ന് ആദ്യം വോട്ട് ചെയ്തത് ഞാൻ ആണ് എന്ന അർത്ഥത്തിലാണ്. അതിന്റെ അർത്ഥം അങ്ങനെ തന്നെ ആണെന്ന് ഇപ്പോഴും ഞാൻ വിശ്വസിക്കുന്നു. അങ്ങയെപ്പോലെ ഇത്രയും വിവരവും വിദ്യാഭ്യാസവും ഉള്ള ഒരാൾ കാര്യങ്ങൾ ശരിയായി മനസ്സിലാക്കാതെ ഇങ്ങനെ ഇവിടെ കുറിക്കുന്നത് അങ്ങേക്ക് തന്നെ അപഹാസ്യമാണ്. പിന്നെ എനിക്ക് പ്രായപൂർത്തി ആയതിന് ശേഷമുള്ള എല്ലാ തിരഞ്ഞെടുപ്പിനും ഞാൻ എവിടെയാണെങ്കിലും അവിടുന്ന് എന്റെ നാടായ ഇരിങ്ങാലക്കുടയിൽ വന്ന് എന്റെ വോട്ട് രേഖപ്പെടുത്താറുണ്ട്. ആവശ്യമെങ്കിൽ സാറിനു അന്വേഷിക്കാൻ വഴികൾ ഉണ്ടല്ലോ. അന്വേഷിച്ചു ബോധ്യപ്പെടൂ. നന്ദി.