ജീവനക്കാർ കൂട്ടത്തോടെ കല്യാണത്തിന് മുങ്ങി

പുനലൂർ സപ്ലൈ ഓഫീസിലെ ജീവനക്കാർ ജോലി സമയത്ത് കൂട്ടത്തോടെ കല്യാണത്തിന് മുങ്ങി. ഉന്നത ഉദ്യോഗസ്ഥന്റെ മകളുടെ വിവാഹത്തിൽ പങ്കെടുക്കാനാണ് ജീവനക്കാർ മുങ്ങിയത്. അവധിയെടുക്കാതെയാണ് ജീവനക്കാർ മുഴുവൻ വിവാഹസത്കാരം കൂടുന്നതിനായി പോയത്. ജനങ്ങൾ പ്രതിഷേധിച്ചതോടെ മുങ്ങിയ ജീവനക്കാർക്ക് ഉച്ച വരെ അവധി നൽകി. രൂക്ഷമായ പ്രശ്നം ഒതുക്കി തീർക്കാൻ താലൂക്ക് സപ്പൈ ഓഫീസറാണ് ഉച്ചവരെ അവധി നൽകിയത്.