ഈ വർഷത്തെ എസ്എസ്എൽസി വിജയശതമാനം 98.11%. കഴിഞ്ഞ വർഷത്തെ വിജയശതമാനം 97.84 മാത്രം. 434729 വിദ്യാർത്ഥികൾ പരീക്ഷയെഴുതി. അതിൽ 428513 കുട്ടികൾ ഉപരി പഠനത്തിന് യോഗ്യത നേടി. മാത്രമല്ല ഈ വർഷം ആർക്കും തന്നെ മോഡറേഷൻ നൽകിയിരുന്നില്ല. 37334 കുട്ടികൾ എല്ലാ വിഷയങ്ങളിലും എ പ്ലസ് നേടി.ഏറ്റവും അധികം പേർ ഉപരിപoനത്തിന് യോഗ്യത നേടിയത് റവന്യു ജില്ല പത്തനംതിട്ടയാണ് 99.33 ശതമാനമാണ്. ഏറ്റവും കുറവ് വയനാട് ആണ് 93.22. ഏറ്റവും കൂടുതൽ എ പ്ലസ് മലപ്പുറം ജില്ലയിൽ 2491 കുട്ടികളാണ് ഫുൾ എ പ്ലസ് നേടിയത്. 599 സർക്കാർ സ്കൂളുകൾ 100 ശതമാനം വിജയം നേടി. 713 എയ്ഡഡ് സ്കൂളുകൾ 100 ശതമാനം വിജയം കരസ്ത്ഥമാക്കി.കൂടാതെ 319 അൺ എയ്ഡഡ് സ്ക്കൂളുകൾ 100 ശതമാനം വിജയം നേടി.
