പ്രശസ്ത നടനും ടീവി അവതാരകനുമായ ധര്‍മ്മജന്‍ ബോള്‍ഗാട്ടി നിര്‍മ്മാതാവാകുന്നു. പ്രൊഡക്ഷൻ നമ്പർ 1 എന്ന് പേരിട്ടിരിക്കുന്ന ചിത്രത്തിൽ വിഷ്ണു ഉണ്ണികൃഷ്ണൻ ആണ് നായകൻ.
ആദിത്യ ക്രിയേഷന്‍സ് എന്ന ബാനറില്‍ ധര്‍മ്മജനും സുഹൃത്തുക്കളും ചേര്‍ന്നാണ് പുതിയ സംരംഭത്തിന് തുടക്കമിട്ടിരിക്കുന്നത്. മാർച്ച് 23ന് പാലക്കാട് വെച്ച് ചിത്രത്തിന്റെ പൂജ നടക്കും.
കഥകളുമായി എത്തുന്ന പുതുമുഖങ്ങൾക്ക് നായക നടന്റെ അടുക്കല്‍ എത്താന്‍ കഴിയുന്നില്ല എന്ന കാരണത്താല്‍ പല സിനിമകളും നടക്കാതെ പോകുന്നുമുണ്ട്.
ഈ സാഹചര്യത്തില്‍ ധര്‍മജന്റെ പരിചയക്കാരും സുഹൃത്തുക്കളുമായ ചിലരുടെ കഥ ധര്‍മജന്‍ കേള്‍ക്കുകയും അത് നായക നടന്മാരില്‍ എത്തിക്കുകയും കഥ ഇഷ്ടമായപ്പോള്‍ പ്രൊഡ്യൂസര്‍ ഉള്‍പ്പടെയുള്ള സന്നാഹങ്ങള്‍ ധര്‍മജന്‍ അവരിലേക്ക് എത്തിക്കുകയും ചെയ്തിരുന്നു. ഈ അനുഭവങ്ങളിൽ നിന്നാണ് സ്വന്തമായി സിനിമ നിര്‍മിച്ചാലൊ എന്ന ആശയത്തില്‍ ധര്‍മ്മജന്‍ എത്തുന്നത്.