പണം തട്ടുന്ന മൊബൈൽ ആപ്പുകൾ

സോഷ്യൽ മീഡിയ വഴിയും, മെസ്സേജ് ലിങ്കുകൾ വഴിയും ലഭിക്കുന്ന മൊബൈൽ ആപ്ലിക്കേഷനുകൾ നിങ്ങളുടെ മൊബൈലിൽ ഇൻസ്റ്റാൾ ചെയ്യാതിരിക്കുക. ഇത്തരം സുരക്ഷിതമല്ലാത്ത ആപ്ലിക്കേഷനുകൾ ഇൻസ്റ്റാൾ ചെയ്യുന്നതു വഴി, നിങ്ങളുടെ മൊബൈലിലേക്ക് വരുന്ന മെസ്സേജുകൾ, OTP, മറ്റു സ്വകാര്യ വിവരങ്ങൾ എന്നിവ ചോർത്തിയെടുക്കാൻ സാധിക്കുന്നതും, ഇത്തരത്തിൽ ചോർത്തിയെടുത്ത വിവരങ്ങൾ ഉപയോഗിച്ചു സാമ്പത്തിക തട്ടിപ്പുകാർക്ക് നിങ്ങളറിയാതെ തന്നെ നിങ്ങളുടെ അക്കൗണ്ടിൽ നിന്നും പണം തട്ടിയെടുക്കാൻ സാധിക്കുന്നതുമാണ്. ആയതിനാൽ ഇത്തരത്തിലുള്ള ആപ്ലിക്കേഷനുകൾ ഇൻസ്റ്റാൾ ചെയ്യുന്നത് പൂർണമായും ഒഴിവാക്കുന്നതാണ് സുരക്ഷിതം. ഏതൊരു ആപ്ലിക്കേഷനും ഇൻസ്റ്റാൾ ചെയ്യുന്നതിന് മുൻപായി അവ ആവശ്യപെടുന്നതായ പെർമിഷനുകൾ ഏതൊക്കെ എന്ന് വിലയിരുത്തിയതിനു ശേഷം മാത്രം ഇൻസ്റ്റാൾ ചെയ്തു ഉപയോഗിക്കേണ്ടതുമാണ്.
ഇത്തരം തട്ടിപ്പുകൾക്കു ഇരയായാൽ എത്രയും പെട്ടന്ന് ജില്ലാ സൈബർസെൽ/പോലീസ് സ്റ്റേഷൻ, ബാങ്ക് എന്നിവയുമായി ബന്ധപെടുക.

കടപ്പാട് : Kerala Police Cyberdome