ഡൽഹിയിൽ ആസിഡ് ആക്രമണത്തിന് ഇരയായ ലക്ഷ്മി അഗർവാളിന്റെ ജീവിതത്തെ ആസ്പദമാക്കി നിർമ്മിക്കപ്പെട്ട ചിത്രമാണ് ഛപാക്ക്‌. ഹിന്ദി സിനിമാ. പ്രേമികൾ ആകാംഷയോടെ കാത്തിരിക്കുന്ന , ദീപികാ പദുക്കോനേ ഇരയായി നായികാ കഥാപാത്രത്തെ അവതരിപ്പിക്കുന്ന ചിത്രം ജനുവരി 10 ന് പ്രദർശനത്തിനെത്തും.
ചിത്രത്തിന്റെ പുതിയ സ്റ്റില്ലുകൾ അണിയറക്കാർ ഇന്ന് പുറത്തു വിട്ടു.ഇൗ സിനിമയിൽ സ്ത്രീകൾക്ക് നേരെയുള്ള അതിക്രമങ്ങൾ മാത്രമല്ലാതെ അവരിലെ കരുണ,ശക്തി, ആത്മവിശ്വാസം എന്നീ വിഷയങ്ങളെ കുറിച്ചും പ്രതിപാദിക്കപ്പെടുന്നുണ്ടത്രെ.
ഛപാക്കിൽ നായികയായി കേന്ദ്ര കഥാപാത്രത്തെ അവതരിപ്പിച്ച ദീപിക പദുക്കോൺ ചിത്രത്തിന്റെ നിർമ്മാതാവ് കൂടിയാണ്. ഫോക്സ് സ്റ്റാർ സ്റ്റുഡിയോസും ദീപികാ പദുകോണും സംയുക്തമായിട്ടാണ്‌ ഛപാക്ക്‌ നിർമ്മിച്ചിരിക്കുന്നത്. ” റാസി ” എന്ന ശ്രദ്ധേയമായ സിനിമ അണിയിച്ചൊരുക്കിയ മേഘ്ന ഗുൽസാറാണ് ഛപാക്ക്‌ സംവിധാനം ചെയ്തത്. വിക്രാന്ത് മാഷിയാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.
#സി. കെ. അജയ് കുമാർ, പി ആർ ഒ