വിവാഹ വാര്‍ഷിക ദിനത്തില്‍ സെന്തിലിനും ഭാര്യ അഖിലയ്ക്കും പുതിയ അതിഥി എത്തി. ഇരട്ടിസന്തോഷം കൈവന്ന സുദിനമാഘോഷിക്കുകയാണ് നടന്‍ സെന്തില്‍ കൃഷ്ണ. ഒന്നാം വിവാഹവാര്‍ഷികദിനത്തില്‍ സെന്തിലിനും ഭാര്യ അഖിലയ്ക്കും ഒരാണ്‍കുഞ്ഞ് ജനിച്ചു. നടന്‍ തന്നെയാണ് ഇക്കാര്യം ആരാധകരെ അറിയിച്ചിരിക്കുന്നത്. 2019 ഓഗസ്റ്റ് 24ന് ഗുരുവായൂരില്‍ വച്ചാണ് ഇരുവരും വിവാഹിതരായത്. കോഴിക്കോട് സ്വദേശിനിയാണ് അഖില.
മോഹന്‍ലാല്‍ എന്ന ചിത്രത്തിലൂടെ സിനിമയിലെത്തിയ സെന്തില്‍ കലാഭവന്‍ മണിയുടെ ജീവിതത്തെ ആസ്പദമാക്കി വിനയന്‍ സംവിധാനം ചെയ്ത ചാലക്കുടിക്കാരന്‍ ചങ്ങാതി എന്ന ചിത്രത്തിലൂടെയാണ് നായകനായി ശ്രദ്ധിക്കപ്പെട്ടത്. വൈറസ്, മൈ ഗ്രേറ്റ് ഗ്രാന്റ്ഫാദര്‍, ആകാശഗംഗ 2 തുടങ്ങിയ ചിത്രങ്ങളിലും അഭിനയിച്ചിരുന്നു