ഐശ്വര്യ റായിക്കും മകൾക്കും കോവിഡ്

മുംബൈ: അമിതാബ് ബച്ചനും അഭിഷേക് ബച്ചനും കോവിഡ് സ്ഥിരീകരിച്ചതിന് പിന്നാലെ ഐശ്വര്യ റായിക്കും മകൾ ആരാധ്യയ്ക്കും കോവിഡ്. ഇരുവരും മുംബൈ നാനാവതി ആശുപത്രിയിൽ ചികിത്സയിലാണ്. ജയാ ബച്ചൻ്റെ പരിശോധനാ ഫലം നെഗറ്റീവാണ്. ഇന്നലെ ഐസൊലേഷൻ വാർഡിൽ പ്രവേശിപ്പിച്ച അമിതാഭ് ബച്ചൻ്റെ ആരോഗ്യനില തൃപ്തികരമാണെന്ന് നാനാവതി സൂപ്പർ സപെഷ്യലിറ്റി ആശുപത്രി അധികൃതർ അറിയിച്ചു. ചികിത്സയിൽ കഴിയുന്ന അഭിഷേക് ബച്ചൻ്റെ നിലയും തൃപ്തികരമാണെന്ന് ആശുപത്രി അധികൃതർ അറിയിച്ചു.