ഡോക്ടര്‍മാര്‍ക്കും നഴ്സുമാര്‍ക്കും കൊറോണ; മുംബൈയിലെ ആശുപത്രി അടച്ചു

മുംബൈ: ഡോക്ടര്‍മാര്‍ക്കും നഴ്സുമാര്‍ക്കും കൊറോണ സ്ഥിരീകരിച്ചതിനെ തുടര്‍ന്ന് മുംബൈയിലെ വോക്ക്ഹാര്‍ട്ട് ആശുപത്രി അടച്ചു പൂട്ടി. ആശുപത്രിയിലെ മൂന്ന് ഡോക്ടര്‍മാര്‍ക്കും 26 നഴ്സുമാര്‍ക്കുമാണ് വൈറസ് സ്ഥിരീകരിച്ചത്.

നഴ്സുമാര്‍ക്കും ഡോക്ടര്‍മാര്‍ക്കും രോഗം സ്ഥിരീകരിച്ചതിനെ തുടര്‍ന്ന് ബിഎംസിയാണ് ആശുപത്രി അടച്ചു പൂട്ടാന്‍ തീരുമാനിച്ചത്. മാര്‍ച്ച് 27 ന് ഹൃദയാഘാതത്തെ തുടര്‍ന്ന് വോക്ക്ഹാര്‍ട്ട് ആശുപത്രിയില്‍ പ്രവേശിപ്പിച്ച എഴുപതുകാരന് കൊറോണ വൈറസ് ബാധ സ്ഥിരീകരിച്ചിരുന്നു.

ഇയാളില്‍ നിന്നും പരിചരിച്ച നഴ്സിനും, നഴ്സില്‍ നിന്നും സഹപ്രവര്‍ത്തകരിലേക്കും വൈറസ് പടര്‍ന്നു എന്നാണ് സൂചന.നഴ്സുമാരെയും ഡോക്ടര്‍മാരെയും മുംബൈയിലെ വിവിധ ആശുപത്രികളില്‍ പ്രവേശിപ്പിച്ചിട്ടുണ്ട്.