സിബിഎസ്ഇ പത്താം ക്ലാസ് ഫലം നാളെ

ന്യൂഡൽഹി : സിബിഎസ്ഇ പത്താം ക്ലാസ് ഫലം നാളെ  പ്രഖ്യാപിക്കുമെന്ന് വിദ്യാഭ്യാസ മന്ത്രി രമേശ് പൊഖ്രിയാല്‍ അറിയിച്ചു. ട്വിറ്ററിലൂടെയാണ് അദ്ദേം ഇക്കാര്യം അറിയിച്ചത്. പന്ത്രണ്ടാം ക്ലാസ് ഫലം കഴിഞ്ഞ ദിവസമാണ്  പ്രഖ്യാപിച്ചത്.സിബിഎസ്ഇ പത്താം ക്ലാസ്, പന്ത്രണ്ടാം ക്ലാസ് ഫലങ്ങള്‍ ജൂലൈ 15 ന് മുമ്പ് പ്രഖ്യാപിക്കുമെന്ന് സിബിഎസ്ഇ സുപ്രീം കോടതിയെ അറിയിച്ചിരുന്നു. പറഞ്ഞതിലും രണ്ടു ദിവസം മുമ്പ്, ജൂലൈ 13 ന് പന്ത്രണ്ടാം ക്ലാസ് ഫലം പ്രഖ്യാപിച്ചു. പത്താം ക്ലാസ് ഉടന്‍ അറിയുമെന്ന് അഭ്യൂഹങ്ങള്‍ പടര്‍ന്നെങ്കിലും കൃത്യമായ വിവരം ലഭിച്ചിരുന്നില്ല. ഔദ്യോഗികമായി അറിയിച്ചതോടെ ആശയക്കുഴപ്പം അവസാനിച്ചിരിക്കുകയാണ്.