നടി മിയ ജോര്‍ജ് വിവാഹിതയായി; വീഡിയോയും ചിത്രങ്ങളും കാണാം

കൊച്ചി: സിനിമാ താരം മിയ ജോര്‍ജ് വിവാഹിതയായി. എറണാകുളം സ്വദേശിയും വ്യവസായിയുമായ ആഷ്വിന്‍ ഫിലിപ്പ് ആണ് മിയയുടെ വരന്‍. എറണാകുളം സെന്റ് മേരീസ് ബസലിക്കയില്‍ വെച്ച് നടന്ന ചടങ്ങില്‍ വധൂ വരന്മാരുടെ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. കോവിഡിന്റെ പശ്ചാത്തലത്തില്‍ ലളിതമായ ചടങ്ങുകളോടെയായിരുന്നു വിവാഹം.

മെയ് 30നായിരുന്നു മിയയുടെ വിവാഹ നിശ്ചയം. പാലാ സെന്റ് തോമസ് കത്തീഡ്രലില്‍ വച്ച് കഴിഞ്ഞ മാസാവസാനം മനസമ്മതവും നടന്നിരുന്നു. മിയയുടെ അമ്മ മിനിയാണ് മാട്രിമോണിയല്‍ സൈറ്റിലൂടെ ആഷ്വിനെ കണ്ടെത്തിയത്. വിവാഹത്തലേന്ന് നടക്കുന്ന മധുരംവെപ്പ് ചടങ്ങില്‍ നിന്നുള്ള മിയയുടെ ചിത്രങ്ങള്‍ സോഷ്യല്‍ മീഡിയയില്‍ ഇതിനോടകം വൈറലായി.

കോവിഡ് പ്രോട്ടോക്കോള്‍ പാലിച്ച് വളരെ ലളിതമായാണ് താരത്തിന്റെ വിവാഹം എറണാകുളം സെന്റ് മേരീസ് ബസലിക്കയില്‍ വെച്ച് നടന്നത്. ബന്ധുക്കള്‍ക്കും അടുത്ത സുഹൃത്തുക്കള്‍ക്കും മാത്രമായിരുന്നു ക്ഷണം.

എറണാകുളം സ്വദേശിയായ ആഷ്വിന്‍ വ്യവസായിയാണ്. കര്‍ദ്ദിനാള്‍ ജോര്‍ജ് ആലഞ്ചേരി ചടങ്ങുകള്‍ക്ക് കാര്‍മികത്വം വഹിച്ചു. വിവാഹത്തിന്റെ ഭാഗമായി വൈകീട്ട് കൊച്ചിയില്‍ സല്‍ക്കാരവും ഒരുക്കിയിരുന്നു.

കൂടുതൽ ചിത്രങ്ങൾ കാണാൻ : https://www.kerala9.com/events/miya-george-wedding-photos/

വീഡിയോ കാണാൻ

English Summary : Actress Miya George Wedding news video and photos