കിടിലനായി ‘തണ്ണീർമത്തൻ ദിനങ്ങൾ’ ട്രെയിലർ

വിനീത് ശ്രീനിവാസനെ കേന്ദ്രകഥാപാത്രമാക്കി ഗിരീഷ് സംവിധാനം ചെയ്യുന്ന ചിത്രമാണ് തണ്ണീർമത്തൻ ദിനങ്ങൾ. ട്രെയിലർ പുറത്തിറങ്ങി മണിക്കൂറുകൾക്കകം തന്നെ വൈറലായി മാറിയിരിക്കുകയാണ്. കുമ്പളങ്ങി നൈറ്റ്സിലൂടെ പ്രേക്ഷക ഹൃദയം കയ്യടക്കിയ മാത്യു തോമസും പ്രധാന കഥാപാത്രത്തെ അവതരിപ്പിക്കുന്നു. സ്ക്കൂൾ പ്രണയഓർമ്മകളെ സമ്മാനിക്കുന്നതാണ് ചിത്രം. പൃഥ്വിരാജും ദുൽഖറും അടക്കമുള്ള താരങ്ങൾ തങ്ങളുടെ ഫേയ്സ്ബുക്ക് പേജിലൂടെയാണ് ചിത്രത്തിന്റെ ട്രെയിലർ പുറത്ത് വിട്ടത്. ക്യാമറാമാനായ ജോമോൻ.ടി.ജോൺ, ഷെബിൻ ബെക്കർ, ഷമീർ മുഹമ്മദ് എന്നിവർ ചേർന്നാണ് ചിത്രം നിർമ്മിക്കുന്നത്.ജൂലൈ അവസാനത്തോടെയാകും ചിത്രം തിയറ്ററുകയിലേക്ക് എത്തുക.