കെ. എം മാണി അന്തരിച്ചു

കേരള കോണ്‍ഗ്രസ് ചെയര്‍മാനും മുന്‍മന്ത്രിയുമായ കെ.എം മാണി (86) അന്തരിച്ചു. ശ്വാസകോശ സംബന്ധമായ അസുഖങ്ങളെ തുടര്‍ന്ന് കൊച്ചിയിലെ സ്വകാര്യ ആശുപത്രിയില്‍ ചികില്‍സയിലിരിക്കെയാണ് അന്ത്യം. മരണസമയം ഭാര്യയും മക്കളും അടുത്തുണ്ടായിരുന്നു.

1933 ജനുവരി 30ന് പാലായിൽ മരങ്ങാട്ടുപിള്ളിയിലാണ് മാണിയുടെ ജനനം. നാലുതവണ ധനമന്ത്രിയായ മാണി പാലായില്‍ നിന്ന് 52 വര്‍ഷം എം.എല്‍.എയും പന്ത്രണ്ട് മന്ത്രിസഭകളില്‍ അംഗവുമായി. ഏഴുതവണ നിയമവകുപ്പ് മന്ത്രിയും . രണ്ടുതവണ ആഭ്യന്തരമന്ത്രിയുമായി.