ഇന്ത്യൻ നിരത്തുകള്‍ കൈയടക്കാൻ ജാവ ബൈക്കുകള്‍ എത്തി

മുംബൈ: മഹീന്ദ്ര ആൻഡ് മഹീന്ദ്രയുടെ ഉപസ്ഥാപനമായ ക്ലാസിക് ലെജന്റ്സ് പ്രൈവറ്റ് ലിമിറ്റഡ് ക്ലാസിക് ജാവ ബ്രാൻഡിൽ മൂന്ന് ജാവാ മോട്ടോർസൈക്കിളുകൾ ഇന്ന് പുറത്തിറക്കി.

ജാവ, ജാവ 42 ,ബരാക്ക് എന്നീ മൂന്ന് മോഡലുകളാണ് പുറത്തിറക്കിയിരിക്കുന്നത് . ഇതിൽ ജാവ, ജാവ42 എന്നീ മോഡലുകളാണ് ആദ്യം നിരത്തുകളിൽ എത്തുക .അടുത്ത വർഷം ആദ്യത്തോടെ ഇത് വിപണിയിൽ ലഭ്യമാകും. ഫാക്ടറി കസ്റ്റം മോഡലായ ബരാക്ക് അതിനുശേഷമെ നിരത്തുകളിൽ എത്തുകയുള്ളു .

293 സിസി,ലിക്വിഡ് കൂൾഡ് സിംഗിൾ സിലിണ്ടർ എൻജിനുകളാണ് ജാവയിലും  ജാവ 42വിലും ഉള്ളത് . എൻജിൻ 27 ബിഎച്ച്പി ശക്തിയും 28 എൻഎം ടോർക്കും നൽകുന്നു. കൂടാതെ എൻജിൻ ബി എസ് 6 നിലവാരം ഉള്ളതാണ് .  ബാരക്കിന് 334 സിസി, 30 ബിഎച്ച്പി എഞ്ചിനാണ് നൽകിയിരിക്കുന്നത് .

ബ്രേക്കിങ് സിസ്റ്റം നോക്കുകയാണെകിൽ ജാവയിലും  ജാവ 42വിലും എ ബി എസ്-ഉള്ള ഡിസ്ക് ബ്രേക്ക് മുൻഭാഗത്തും പിന്നിൽ ഡ്രം ബ്രേക്ക് യൂണിറ്റും ആണ് നൽകിയിരിക്കുന്നത് . എന്നാൽ ബാരക്കിന് മുന്നിലും പിന്നിലും എ ബി എസ് ഉള്ള ഡിസ്ക് ബ്രേക്ക് നൽകിയിട്ടുണ്ട് .

ജാവ  കറുപ്പ്, മെറൂൺ , ഗ്രേ എന്നീ മൂന്ന് നിറങ്ങളിൽ ലഭ്യമാണ്. ജാവ42 ആറു നിറങ്ങളിൽ ലഭ്യമാണ്.

ജാവയുടെ ഡൽഹി വില 1.64 ലക്ഷവും ജാവ 42 ന് 1.55 ലക്ഷവുമാണ്. 1.89 ലക്ഷം രൂപയാണ് ബാരക്കിന്റെ വില .

കൂടുതൽ വിവരങ്ങൾ

മോഡൽ : ജാവാ & ജാവാ 42 

    • സിംഗിൾ സിലിണ്ടർ, 4 സ്ട്രോക്ക്, ലിക്വിഡ് കൂൾഡ് , DOHC
      ശേഷി (സിസി): 293
    • എക്സസ്സ്റ്റ്: ഇരട്ട എക്സസ്സ്റ്റ്
    • ഗിയർബോക്സ്: കോൺസ്റ്റന്റ് മെഷ് 6 സ്പീഡ്
    • ഫ്രണ്ട് ടയർസ് 90/90 – 18
    • ബാക്ക്  ടെയർ 120/80 – 17
    • ഫ്രണ്ട് സസ്പെൻഷൻ : ടെലിസ്കോപിക് ഹൈഡ്രോളിക് ഫോർക്ക്
    • ബാക്ക്  സസ്പെൻഷൻ :  ഗ്യാസ് കേസ്റ്റർ – ട്വിൻ ഷോക്ക് ഹൈഡ്രോളിക്
    • ഫ്രണ്ട് ബ്രേക്ക് : എ ബി എസ്-ഉള്ള 280 മില്ലീമീറ്റർ ഡിസ്ക്ക് ബ്രേക്ക്
    • ബാക്ക് ബ്രേക്ക്   : ഡ്രം ബ്രേക്ക് 153 എംഎം
    • സീറ്റ് ഹൈറ്റ് :  765
    • വീൽ ബൈസ് : 1369
    • തൂക്കം: 170 കിലോ
    • ടാങ്ക് ശേഷി: 14 ലിറ്റർ
  • Jawa 2018 Photos 

Jawa 42 Photos 

Topic : Jawa Motorcycle Launched in India