ഇഫ്ത്തർ വിരുന്നൊരുക്കാൻ മസാല നെയ് പത്തിരി

ചേരുവകൾ

ചോറ്റരിപ്പൊടി – ഒരു ഗ്ലാസ്

നെയ്യ് – അര ടീസ്പൂൺ

സവാള ചെറുതായി അരിഞ്ഞത് – നാലെണ്ണം

ഇഞ്ചി ചതച്ചത് – കാൽ ടീസ്പൂൺ

മഞ്ഞൾപൊടി – ഒരു നുള്ള്

വേവിച്ച ഇറച്ചി പിച്ചിയത് – അര കപ്പ്

ഗരം മസാലപ്പൊടി – അര ടീസ്പൂൺ

മല്ലിയില അരിഞ്ഞത് – അല്‌പം

എണ്ണ – വറുക്കാൻ ആവശ്യമുള്ളത്ര

ഉപ്പ് – പാകത്തിന്

തയ്യാറാക്കുന്ന വിധം

അരിപ്പൊടിയിൽ ആവശ്യത്തിന് വെള്ളവും ഉപ്പും ചേർത്ത് കുഴച്ചു മാവാക്കുക. ഒരു പാത്രത്തിൽ നെയ്യൊഴിച്ച് സവാള, പച്ചമുളക്, ഇഞ്ചി, വെളുത്തുള്ളി, മഞ്ഞപ്പൊടി, ഉപ്പ് എന്നിവ ചേർത്ത് ഇളക്കി വഴറ്റുക. അതിൽ ഇറച്ചി ഗരംമസാല, മല്ലിയില എന്നിവ ചേർത്തിളക്കുക.അര കപ്പ് വെള്ളവും ചേർത്ത് നന്നായി ഇളക്കി വറ്റിച്ചെടുക്കുക. തയ്യാറാക്കി വെച്ചിരിക്കുന്ന മാവ് ചെറുനാരങ്ങ വലുപ്പത്തിൽ എടുത്ത് വട്ടത്തിൽ പരത്തുക. അങ്ങനെ രണ്ടെണ്ണം പരത്തുക. ഒരെണ്ണത്തിൽ അൽപ്പം ഇറച്ചി മസാല വെച്ച് മറ്റേത് കൊണ്ട് മൂടുക. വക്കുകൾ അമർത്തുക ബാക്കിയുള്ളതും ഇതുപോലെ ചെയ്തെടുക്കുക. അങ്ങനെ ശരിയാക്കി വെച്ച പത്തിരി ചൂടാക്കിയ എണ്ണയിൽ വറുത്തു കോരി എടുക്കുക. ഇഫ്ത്തർ വിഭവം തയ്യാർ…