ആപ്പിൾ ബ്രെഡ് പുഡിങ്

ആവശ്യമായ സാധനങ്ങൾ

1 . മുട്ട – മൂന്ന്
2 . പാൽ – ഒരു കപ്പ്
3 . കണ്ടൻസ്ഡ് മിൽക്ക് – ഒരു ടിൻ
പഞ്ചസാര – ആവശ്യത്തിന്
ഉപ്പില്ലാത്ത വെണ്ണ – 75 ഗ്രാം , ഉരുക്കിയത്
കറുവാപ്പട്ട പൊടിച്ചത് – ഒരു വലിയ നുള്ള്
4 . റൊട്ടി അരികുകളഞ്ഞത് ചെറിയ ചതുരക്കഷ്ണങ്ങളാക്കിയത് – മൂന്നു കപ്പ്
ആപ്പിൾ തൊലികളഞ്ഞു ചതുരക്കഷ്ണങ്ങളാക്കിയത് – ഒന്നരക്കപ്പ്
ചോക്ലേറ്റ് ചിപ്സ് – ഒരു കപ്പിന്റെ മൂന്നിൽ രണ്ട്
5 . ക്രീം , ചെറി – അലങ്കരിക്കാൻ

തയ്യാറാക്കുന്ന വിധം

  • അവ്ൻ 200°C ൽ ചൂടാക്കിയിടുക
  • ഒരു പാത്രത്തിൽ മയം പുരട്ടിവെയ്ക്കണം
  • മുട്ട നന്നായി അടിച്ചശേഷം പാൽ ചേർത്തിളക്കണം
  • ഇതിലേക്ക് മൂന്നാമത്തെ ചേരുവയും ചേർത്ത് നന്നയി അടിച്ചു യോജിപ്പിക്കണം. അതിനുശേഷം നാലാമത്തെ ചേരുവയും ചേർത്തിളക്കി മയം പുരട്ടിയ പാത്രത്തിലൊഴിച്ചു നന്നായി അമർത്തി വെയ്ക്കണം.
  • ഇത് ചൂടാക്കിവെച്ചിരിക്കുന്ന അവ്നിൽ വച്ചു സെറ്റ് ആകുംവരെ നന്നായി ബേക് ചെയ്യുക.
  • ബേക് ആയതിനു ശേഷം പുറത്തെടുത്ത് ചൂടാറുമ്പോൾ മുകളിൽ ക്രീം പൈപ് ചെയ്യണം. ആപ്പിൾ ബ്രഡ് പുഡിങ് തയ്യാർ
  • ചെറി ഉപയോഗിച്ച് അലങ്കരിച്ച് വിളമ്പാം